عفويات “أنا شهيرة”

عفويات “أنا شهيرة”

بقلم: عادل عوف

قررت تقرب كام خطوة من غير تفكير
ومصدق روحك ومقدر إن إنت خطير
وفى عز ما قولت إنك واثق وتقدم ورد
كان غيرك فارق ومسيطر وبقاله كتير

إيه يعني حدف لك كام بسمة علشانك ذوق
أو قالك مالك فضفض لي شكلك مخنوق
مش يعني عشان جاملك مرة بكلام هتعيش
قصة أحلامك من وهمك أحسن لك فوق

كان لازم أول تتأكد من إنه غاويك
ومافيش فى القلب إلا جنابك ومرحب بيك
فى حاجات إحساسك يكفيها وحاجات بالوقت
بتبان وبتظهر وتفتح م الغفلة عينيك