عفويات

عفويات

بقلم: عادل عوف

يا عالم مربى
وقشطة وملبس
عيونك دي حربة
وقلبك ملمس
اشوفك اخمس
في وش اللي شافك
وعشمان في وردك
وطمعي في خشافك
يا سكر ودايب في دمي ووريدي
دايب في حسنك
قلبي الحديدي
وسلم راياته بنظرة وغمزة
وعايش عليهم
وأصبح في أزمة
عندك كاريزما
وعندك حضور
يا كوكب في ذاته
وأول ميزاته
مبهج بـ طلة
مغرقنا نور
فـ شايف لبكرة وبعده لسنين
جناين محبة شجرها الحنين
وودك نجيله
يا أجمل جميلة
في عمري وزماني لآخر الزمان