أدبيمقالات متنوعة

عفويات

وقت النشر : 2024/03/31 05:23:26 PM

عفويات

بقلم: عادل عوف

ولأن العالم فجأة
قرر من عندي يهاجم

أظهر نواياه واستأسد

ملى أوضتى وفرشي جماجم
ملامحها صحيح مطموسة
وبتصرخ كنا وكان
سابت بصمتها في دوسة
على قلبي ورحي زمان
فـ وقفت الحرب دقيقة
مع قلبي في لحظة دقيقة
ما تشوف لـ لليل ده طريقة
لاحسن فعلًا خرمان
وسجارتى دي دانة مدفع
دخانها سنين يتمطع
في الهوا بكلام وحروف
تفسيرها لازم له معاجم
أول ما العالم هاجم
من عندي بدون تبرير
دخانها بكل أمانة
اتحول فجأة لدانة
تحدف أحلام دبلانة
وجماجم خلق كتير
كانت أقرب من غيرها
صوبت عليها سيجارتى
أصبح دلوقتي مصيرها
دخان في الهوا بـيطير

شاهد أيضاً
إغلاق
زر الذهاب إلى الأعلى