ما بين يأسي وحرماني
بعيش وعنيكِ وحشاني
ساعات البعد بلمحها سنين بتفوت
وصوت العشق في وريدي
بيرميني لطريق الموت
أنا ف ملكوت وليه قلبك
يعيش وحده لبعيد ملكوت
بحبك موت
يا زاد روحي
وروحي تعيش
إذا لحظة ف هواكي
تموت
أنا جايز أكون غلطان
عشان سيبتك زمان تمشي
مخبتكيش ما بين قلبي
ما دارتكيش عيون رمشي
ماثورتش وقتها بركان
ساعتها مكنش قلبي جبان
مكنش يا عمري ف الإمكان
غير إني أدوس على جروحي
أبات حيران ف يشتقالك بكى
نوحي
أبوح لك بالخطا نفسي
عشان نفسي اللي قتلاني
يا وحشاني وحيشاني
الدروب عنك
وبسأل كل شيء ساكن
وبحلم لو أشوف منك
نهار أو حتي ليل داكن
أماكن فيَّ مشتاقة لعبير عطرك
وطعم الفرقة حراقة ولا بتفرق
عشان خاطرك
بسافرلك على خاطرى
واعود خسران وجرحاني
سيوف بعدك
وكيف بعدك راح ألقاني
غير إني يادوب
ما بين يأسي وحرماني
هعيش وعنيكِ
وحشاني