جايز
بقلم: رشا كمال
وجايز حلمي يتفسر
وجايز حزنى يتكسر
وجايز إللي باع قلبي
عليه يندم ويتحسر
وجايز أنسى حزن زمان
وأقابل فرحتي قدام
وأتصالح على الدنيا وع الأيام
وجايز جرحي بكرة يطيب
وف الشدة ألاقي جنبي ألف حبيب
يواسوني ويكفوني شر الحوجة لحضن
غريب
وجايز صبري مني ميملش
وجايز قلبي للي باعه ميحنش
وجايز طيبتي فيا متقلش
وجايز عمري ما يجريش
سنينه الحلوة ترجعلي وتنادينى يلا نعيش
وجايز كل شيء صنته، يشيلني ف عينه
وف قلبه وميسيبنيش
