ذنبك جمالك_بقلم_حسين حشيش

ذنبك جمالك

بقلم: حسين حشيش

عارفة إيه ذنبك
ذنبك جمالك
وتستاهلي حالنا يتبدل عشانِك
ليلنا حالك من غير قمر
ماشيين في عتمة ليل طويل آخره السهر
هلت علينا أخبار حزينة تدبح في ميت
أيوة دى حالنا وحالك
أخبار حزينة دبحت في ميت
مُتنا قبل الطوفان زمان
معملناش حساب اللحظة دي
فكرنا فيكِ؟ يمكن
أو احتمال
آخر مرة من زمان ما بنقولش غيرها
زي اللي ماسك على نفسه ذِلة
طب دَه جيل كان له كرامة
جواه شهـامة
ما دفنت راسه زي النعامة
ميعملش روحه خايف عليكِ
وفي الأصل حاطط سكين في ضهرك
إحنا متنا قبل منكم
أخدتم عزانا قبل ما تيجوا بسنين
جيلنا خايب زي اللي قبله واللي قبله
هو جيل واحد ننام نقوم نحلم بانتصاره
شال هم القضية زي تاره
أصل كان شايل في إيده كرامة دياره
هما عافروا وحملوا همك
حتى الابتسامة فارقت قائدهم
وأقسم مايضحك إلا برجعوك
إحنا حالنا اتبدل خلاص
نقاطع تمام
وحلو الكلام
بس التمن أكبر كتير
أكبر كمان من أذى الضمير
مش هنسكت ونقول دى حقك
مش كفاية
والدم أغلى من كل دى
إحنا الخسائر دم عيلتي، هما همي وأصل شيلتي
الموضوع إن الخسيس طردني من بيت أبويا
وعنده عين يطالب بحقه
والدنيا سـاكتة
وبيضلل حقايق بعين قوية
وبيقسم حدود فاكرها التكية
نصرخ ومفيش حد سامع
نحلم بوقف الدمار ونقول سلام
والله السلام معاهم قلة علام
يهود لئـام ملهمش وعد
هيجي يوم وندبح قلوبهم
بس القضية تكون همنا
نعرف حقوقنا ويوصل وعينا
ونحبط خططهم بروحنا ودمنا
دى حلم جيلنا وأجيال قبلنا
ذنبك جبل ويهد حيل أتخن تخين
ويستاهل نعافر
يا أخي ما فيش هم بعد دينك
انصر أخوك عشان تحمي نفسك
وترفع جبينك
إبدأ بنفسك
غيَّر عيوبك وصحح مسارك
حقق مراد الله في ذاتك
واحلم وعيش وعينك قوية
يومك هيجي ودورك هيجي
وبيك أو بغيرك الحقوق راجعة راجعة
ياريت يكون دورك مهم
ونطهر حياتنا من كل ذنب
ونعيد ذكراياتك يا أجمل مدينة
والقدس ترجع من تاني لينا
والحلم يتحقق في كتب التاريخ
والنصر هيكون شاهد علينا
ذنبك جمالك وتستاهلي
حالنا يتبدل عشانك