الذهب بيستمر في حالة التراجع النهاردة، وبنشوف المعدن الأصفر بيتحرك عند مستوى 4153.88 دولار للأونصة. بنسبة انخفاض وصلت لـ 0.52% عن سعر الإغلاق السابق اللي كان عند 4175.69 دولار. الحركة دي بتأكد استمرار الضغوط البيعية اللي بدأت تظهر من الساعات الأولى من تعاملات اليوم. الحكاية باختصار إن الذهب بعد ما كان بيحاول يتماسك فوق مستويات الـ 4180 دولار. بدأ يفقد جزء من مكاسبه اللي حققها الأيام اللي فاتت، ومع اقترابنا من منتصف اليوم. المستثمرين بيتابعوا بحذر هل السعر هيقدر يتماسك عند مستويات الـ 4150 دولار ولا ممكن نشوف ضغط أكتر ينزل بيه لمستويات أقل. التقلبات دي في سعر الذهب العالمي بتخلي السوق في حالة ترقب. خصوصاً إن أي حركة في السعر العالمي بتنعكس مباشرة على طموحات الناس اللي بتشوف الذهب ملاذ آمن في وقت الاضطرابات. تراجع السعر النهاردة بيفتح باب التساؤلات من جديد عن اتجاه السوق في المدى القريب وهل ده وقت مناسب للدخول والشراء بأسعار أقل؟ هل شايفين إن التراجع ده فرصة للشراء ولا الأفضل الانتظار لمزيد من الوضوح في اتجاه السوق؟
