الحكاية باختصار إن الذهب في مصر أثبت إنه "مخزن القيمة" الأول للمصريين خلال الـ 12 شهر اللي فاتوا. وسجل أداءً قوياً جداً في الفترة من يوليو 2025 لحد يونيو 2026. ووفقاً لتقرير منصة "آي صاغة"، الذهب عيار 21 ارتفع بنسبة 22.93%، يعني الغرام زاد 1065 جنيهاً. ووصل سعره لـ 5710 جنيهات، وده بالتزامن مع صعود الأونصة عالمياً بنسبة تخطت 20%. اللي حصل إن السوق المصرية مرت بأربع مراحل رئيسية؛ بدأت بالاستقرار ،ثم صعود تدريجي. بعدها مرحلة مستويات قياسية وصلت فيها الأسعار لـ 7290 جنيهاً في مارس. وأخيراً مرحلة التصحيح اللي بنعيشها دلوقتي. القفزات دي كانت مدعومة بمزيج من التوترات الجيوسياسية. خصوصاً الصراع الأمريكي الإيراني اللي خلق طلب حقيقي ومكثف من الأفراد، مش مجرد مضاربات. الملاحظ إن حتى مع تحسن أداء الجنيه المصري وتراجعه أمام الدولار لمستويات الـ 49 جنيهاً. لسه أسعار الذهب ثابتة عند مستويات مرتفعة، والسبب هو إن "الطلب المحلي" لسه قوي جداً من الناس اللي بتدور على أمان لمدخراتها. الفجوة بين السعر المحلي والسعر العادل اللي كانت بتوصل لـ 6% وقت الأزمات . بدأت تتقلص وتستقر بين 0.5% و2.5%، وده مؤشر إيجابي على إن السوق بقيت أكثر توازناً وقدرة على امتصاص الصدمات. سعيد إمبابي، المدير التنفيذي لمنصة "آي صاغة"، أكد إن الذهب اتجاوز دوره التقليدي كملاذ آمن وبقى أداة تحوط أساسية ضد عدم اليقين الاقتصادي العالمي. ومع استمرار مشتريات البنوك المركزية عالمياً للذهب، بيفضل المعدن النفيس اختيار مفضل للمدخرين في مصر. تفتكروا الذهب لسه فيه مجال للصعود الفترة اللي جاية، ولا مرحلة التصحيح دي ممكن تاخدنا لأسعار أقل بكتير؟
