مجلس الذهب العالمي كشف عن أرقام ضخمة حصلت في شهر يونيو اللي فات. الحكاية باختصار إن صناديق الاستثمار المتداولة والمدعومة بالذهب المادي خرج منها سيولة وصلت لـ 8.9 مليار دولار. الرقم ده تسبب في إن حيازات الصناديق دي تنزل بمقدار 74.3 طن ذهب. عشان تستقر في النهاية عند 4047 طن بنهاية الشهر. اللي حصل إن الأصول اللي بتديرها الصناديق دي تراجعت بنسبة 6% خلال النص الأول من السنة. وده سببه الرئيسي انخفاض أسعار الذهب عالمياً، رغم إن إجمالي الحيازات ككمية ذهب زادت حوالي 18 طن في نفس الفترة. وده بيوضح إن لسه فيه ناس بتشتري ومهتمة بالمعدن الأصفر بس قيمته السوقية هي اللي بتقل. الموضوع كله مربوط باللي بيحصل في البنك المركزي الأمريكي. محضر اجتماع الفيدرالي الأخير كشف عن انقسام واضح بين الأعضاء. فيه ناس عايزة تثبت الفائدة وناس تانية بتضغط عشان ترفعها فوراً عشان يسيطروا على التضخم. النهج المتشدد ده من رئيس البنك الجديد كيفين وارش خلى المستثمرين يتوقعوا بنسبة 63% . إن الفائدة هتترفع في اجتماع سبتمبر الجاي، بعد ما كانت التوقعات 50% بس قبل الاجتماع. وده اللي خلى الضغط يزيد على الذهب في الأسواق العالمية. لأن رفع الفائدة بيخلي المستثمرين يروحوا للدولار أو السندات اللي بتدي عائد ثابت ويقلل جاذبية الذهب. في المقابل لسه الذهب محتفظ بمكانته كملاذ آمن وقت التوترات. بس حالياً صوت الفائدة والدولار هو اللي أعلى في السوق. إيه رأيكم، تفتكروا الذهب هيقدر يقاوم ضغط الفائدة الأمريكية ويرجع يرفع تاني؟
