ما نِفسَكشِي ؟!!

بقلم/ أسماء عبد الله

ما نِفسَكشِي شريط العمر يرجع بيك
وفجأة تشوفه لون تاني كما مراية
وحُسنك فيه كمان آية
وما تصدق
لأنه جماله دا حكاية !!!
أنا نفسي …

ما نِفسَكشِي
في واقع تاني رتمه جميل
يعَلِّي بصوته في الترتيل
يعيد حسابات
ويمحي حاجات
وياخد م القمر أمارات
بإن الشمس أُم الليل !!!
أنا نفسي ….

مانفسكشي ف أمان وحنان
يكون وقت وزمان ومكان
مرافق نفس عنوانك
وعارف طبع سَجَّانك
وحافظ كل أوزانك
يجي يخبط
فتتلخبط
ترد أوام بمرحبتين
يقولك …
خد فرح بالكوم
وزعلك غير متاح الآن
بجد بجد
أنا نفسي…..