عفويات _ طبع الدنيا _ عادل عوف

عفويات

طبع الدنيا

بقلم: عادل عوف

طبع الأيام بتجري وخدانا في وشها

لا صعبنا عليها مرة
ولا غير طبعها
الضعف اللي إحنا بيه
بقينا نخاف قلوبنا
لتحن في يوم لناس كانوا بيقولوا لنا دوبنا

وعلشانهم كدابين
فضلنا موجعين
نسايس في الحنين
والشوق نقوله توبتنا

طبع الأيام بتجري
واحنا كاشفين عيوبنا

طبع الأيام تسيبك علي كيفك لو لفترة
وساعات كمان تضيفك
لناس من بدري شاطرة

وأول ما تأمنها وبالطيب تدينها
تغير فجأة دينها
وتقلب تبقى خط

طبع الأيام بتجري
والغدر فيها فطرة

طبع الأيام يخوف ومرعب للغلابة
اللي معاشرين تعالب
ومخاوين ديابي

لو غفلت يوم عنيهم
هنترحم عليهم
مفيش في الدنيا ليهم
سؤال وله إيجابية

طبع الأيام بتجري
والدنيا بجد غابة