قبل ما أحكي عنّهم

قبل ما أحكي عنّهم

بقلم: محمد نزاهة

قبل ما أحكي عنّهم

بحكي نفسي قبلهم

لما نبض القلب يفرح

لما عيني كمان بتسرح

لما ألاقي ليا مطرح

لما أكون في قلبك إنتَ

مش قلب حد منّهم

 ************

لما فكري بيشاغلني

لما بقلق غصب عني

ساعتها!!! بحتاج ودكَ إنتَ

قبل ما أحتاج ودهم

نفسي أفضفض..

وإيديك تطبطب

نفسي أقولك

ويا ريت بقلبك دا

تجاوبني

************

لما روحي بتعاتبني

لما أسأل حتى أفكر

إنت من جواك حاببني؟

مش ضعف مني في السؤال

بطَّمن يهدالي بال

دا الغيرة بتهد جبال

وشوقي ليك كمان قاتلني

*************

المهم حبنا

ميغبش ويتوه مننا

بإيدينا نمسك بعضنا

والاتجاه!! على حلمنا

أوعدك،

وأوعدني تفضل جنب مني

إوعاك تسيبني…إوعاك تسيبني

************

الشاعر الساخر

 محمدنزاهه