![](https://aladadalawalnews.com/wp-content/uploads/2022/01/FB_IMG_1643521100173-720x470.jpg?v=1645598810)
كداب كبير
بقلم: تهاني بركات
وهتضايق وهتخانق
وهأصدق أنا كل كلامه
صحيح ما بقتش فرقاله؟!
وإن جه طيفي في خياله
هيعملي فيها تقيل
كداب كبير وسكتاله
وإن جيت أنا على باله
هخلي عقله يطير
بيقولي وجودك بقى ذكرى!
وأنا عايشه في قلبه على فكرة
بيقولي خلاص دا كان إمبارح
وإمبارح إيه غير نار قايدة؟!
جواك أيامي راح تبقى
ممنوع على قلبك يحذفها
هأفضل جواك أنا الفكرة
أنا الضحكة أنا الغنوة
أنا أميرتك أنا أسيرتك
أنا القصة إللي مخفية
أنا إمبارح وبكرة الجاي
أنا شمسك ولو غابت
يسهر قمري في عتابك