كلميني
بقلم: محمد عبد العزيز رمضان
كلميني، قولي حاجة
قولي راجعة تاني ليك
ليه تخبي حب بينا
كان حقيقي مش ناسيك
أصل حبك هو عمري
يا حياتي، دبت فيك
مهما أحاول إني أبعد
كل مرة بحن ليك
والليالي إللي عدت
كل يوم تشهد عليك
لو نسيتني، قلبي فاكر
ضحكتك، نظرة عنيك
كل همسة من شفايفك
روحي دايما بتناديك
يا حبيبي، أنت غالي
بعمري كله بشتريك
ليه تسيبني قلبي خالي
تهت مني مش لاقيك
تبني بينا سد عالي
تقتل الحب بإيدك
كلميني، قولي حاجة
قولي مش ممكن أخون
أنت عندي كل حاجة
ردي يا أجمل عيون
كنت فاكر إني عندك
حب غالي ومش ههون
بس كان الحب لعبة
بعدك أنت..مش هكون