قلت عن الليل
بقلم: هدى إسماعيل
أنا عندي كلام
في الّليل يتقال
الليْل كما الحرب الباردة
يبدأ بحكاوي
عن الحلو من الماضي اتعاش
تتسرسب في الذكرى الحلوة
وتغني في قلبك مية غنوة
وتطير عصافير
وزهور وعطور وياها نطير
فجاءة!
أوجاع الليلِ تعصف
بدموع
وآهات
وكتير حكايات
من النوع إللي
يدمي القلب
من الصراعات
وتصحي جروح
وأنين الروح
يوصل لسبع سموات
من ظلم حاجات
قتلت فينا كل الحكايات
قلت
الّليْل أنت إللي بتهديه وصفه
أو يمكن فعله
لما تفكر في حاجات أليمة وذكريات
لازم تبقى من الَّليل موجوع
وإن مر عليك طيف قصة حب
منها يا ما اتهنى القلب
بيكون أجمل ليل عن جد
وإن خال العكننة
جالك يفكرك بفقد آمالك
الليل هيطول في نحيب
ودموع وأحزانه عليك هتخيم
ما لليل وأوجاعنا؟!
إحنا بنحييها في دماغنا
أول ما يهل ظلام الليلْ
الّليْلُ مظلوم ويانا
لا شكا منا ولا هجانا
كان ممكن يبقي علينا سعيد
لو كنا اختصرنا أحزانا
ونسينا آلمنا وأوجاعنا
وفكرنا في إللي ينفعنا أو يرفعنا
بسجود ووعود من ربي العرش إللي خلقنا
طب أقولك،
أطفي نيران الَّليْل بس بدمعة
دمعة من حب وشوق
بعفو وصفح من المولى
تخلي القلب يفوق ويشوف
سواد الليل أجمل جنة.
تمت المراجعة والتنسيق من قبل فريق ريمونارف.
