ياعصفورة

يا عصفورة

بقلم: محمد عبد العزيز رمضان

يا عصفورة يلا خديني

نجري ونلعب كدة ونطير

يلا نغني قولي معايا

نسهر كدة ولآخر الليل

يا عصفورة وانا وياكي

مش خايف أنا ببقى أمير

لو غبتي أنا بستناكي

وغيابك صعب وخطير

أنا عمري ما اقدر أنساكي

ومعاكي أنا شفت كتير

يا عصفورة ياما ضحكنا

ولعبنا بين العصافير

ولا عمر ما حاجة تفرقنا

وضحكنا صغيّر وكبير

وحلمنا والحلم جمعنا

ولعبنا على شط النيل

والنسمة الحلوة تمتّعنا

وهواها صافي وعليل

لو هاوصف كل اللي مابينّا

أنا وصفي صغيّر وقليل

وزرعنا بإيدنا بستاننا

وسقينا البستان بالخير

ونجوم الليل كدة تسمعنا

بنغني ونقول مواويل

يا عصفورة

أنا وانتي هنفضل حدوتة

مرسومة للعهد جميل

وكتبنا غنوة أولها

وآخرها للحب أصيل