رثاء
بقلم: أسماء أحمد
كلمة وهيّ ليها
بقولها أحس بيها
شايلاها دايما في قلبي
علطول وبنادي بيها
بفرح وكأني طفلة
بتجري حوالين جنينة
سعاده مش عاديه
وانا شايلة كلمه ليها
علشان بلساني دايما
أنادي حبايبي بيها
كنت بشوفك ملاك
واصل حد السحاب
وإن قلت مرة بخاف
إزاي وربك معاك؟!
ضحكتها كانت ترن
تعلى لفوق، تجن
في مرة كانت صدفة
وبجد دي أحلى صدفة
لقيتك جنبي فجأه
من غير ميعاد ولا كلمة
دا لقانا نصيب يا قلبي
وياريتها زادت مرة
سألوني عنك يوم
قلت بخير وتمام
قالولي لا وشوفي
صفحتها ملياها العزاء
جريت عليكِ أكلمك
أرجوك ردي، أسمعك
روحتِ من غير كلام
ولا حتى رديتي السلام
عزا وفي كل مكان
طب ليه كدا وأوام
كان نفسي مرة أودعك
واحكي معاك، أكلمك
ف سجودي دايما معايا
وأتمنى أشوفك منايا
اوعي تنسيني أما أجيلك
أشوف ضحكتك، أشكيلك
سلام على روحك بقلبي
عايشة، ومتعلقة بأمان
وسلام..
رثاء رثاء
