أدبي

حدوتة مصرية

وقت النشر : 2022/07/18 12:24:25 AM

حدوتة مصرية

بقلم: رباب سمير غانم

حدوتة مصرية
أصلها حكاية مش منسية

دي حكاية كل أم مصرية

الأم الأصيلة الوفية

في الشدة تلاقيها واقفة

زي الجبل شامخة

جذورها في الأرض ثابتة

وراسها في السما عالية

أمنا الغالية الوفية

يا إللي دايما ناسية نفسك

الرطوبة جت في جسمك

هاتيلك يا أمّه هِدمة تدفيكي

أجيب لولدي أبدى

هو أهم وأبقى

صحتك يا غالية مهمتنا

بيكي تكمل فرحتنا

دايما يا أمّه وسطينا

وحنانك يا حبيبة مدفينا

يا إللي لامة العيلة بكل حنية

فاكرة لمتنا الحلوة ع الطبلية

ناكل عليها لقمة هنية

وكباية الشاي بعد العصرية

قعدة تنسيك هموم الدنيا ديا

دايما يا غالية يا ست البيت

شايلة هم كل البيت

بتصحي الصبح م الفجرية

تصلي وتدعي للعيال ديا

إيمانك يا أمّه مالي المكان

مخلي كل البيت في أمان

مهما كبرنا وروحنا وجينا

نلف ونرجع لحضنك يحتوينا

تعيشى يا أمّه ويخليكي لينا

حسك في البيت مالي الدنيا علينا

زر الذهاب إلى الأعلى