قلبي

ادينى من حنانك كتير

واسقينى يا نبع الحنان

دا أنا روحي فيك دايبة

ومعاك أحس بالأمان

بتناديني الحاجات الحلوة

فيك دايما يا أحلى إنسان

وكل لما أفكر فيك

قَلبِي يسرح بالحب هيمان

ولما أشوفك عنيا تفرح

ومنك بالقرب ولهان

ما أنت هنايا وفرحتي

وروحي ومحبتي

وعرفت بيك سكتي

ولما أكتب أنت كلمتي

وأنت غنوتي لما أعزف الألحان

وإن يوم تغيبي عني

كل شيء يروح مني

وأبقى قاعد مستني

لحظة الرجوع

ولو يطول غيابك

ما أقدر أحبس الدموع.

حياتي ضلمة في بعادك

ولو كترت حواليا الشموع

ما أقدرش أشوف غيرك

مهما تكتر قدامي الجموع