جوه خيالي
بقلم تهاني بركات
جوه خيالي
بقلم: تهاني بركات
جُوه خيالي
حد يقولي ويفهمني
طيفك ليه عمال يشاغلني؟!
أسيبه وأهرب بين حكاياتي
ألاقيه بين حروفي ينادي
أعمل نفسي مش سمعاه
وأغمض عيني وأقول هنساه
يجي في بالي يقولي تعالي
عيشي معايا جوه خيالي
مع قهوتنا وصوت غنوتنا
أنسي حبيبتي مرار غربتنا
غربة تاهت فيها أرواحنا
ونسينا نحقق فيها أحلامنا
عشنا سنين أو يمكن مُتنا
زي الساقية لفينا ودُرنا
وفجأة لقينا أحلى سنينا
شابت وإحنا معاها بتجرحنا
في لحظة لقتني واقفة هناك
لسه ما بينا كلام وميعاد
تفاصيل لسه عايشة معاك
روحي ساكنة جوه حكاية
رافضة تكتب ليها نهاية
روحي ساكنة جوه كتاب
كل حروفه مش نسياك