في حب رسول الله
بقلم: رباب سمير غانمفي حب رسول الله
بقلم: رباب سمير غانم
في حب رسول الله
يَا رسولي يا سندي. يَا نجاتي من نفسي
حبك مالي قلبي. عمري ما أقدر أخبي
عرفتك من سيرتك. وأتمنى لو شوفتك
أَملي عيني منك
أبوس إيدك وأبكي من ذنوب عملتها
مكسوفة منك وقتها
يا ترى هقولك إيه على تقصيري في سنتك
وابتعادي عن خطوتك
كتير يا ما قولت الصحابة يا بختهم
عاشوا معاك كلهم
سمعوا صوت ضحكتك
مشيوا على خطى خطوتك
كل أملهم في الحياة
ينالوا شرف صحبتك
الدنيا وما فيها يا سيدي
ما تكفي في يوم طلتك
دعيت ربك وقولت
أمتَي.. أمتي.. أمتي
من شوقك وحبك لينا
رغم ذنوبنا ومعاصينا
إلا إنك كلك كرم
وبترد السلام علينا
وكمان بتدعي لينا
سلام الله عليك يا هدية ربنا لينا
