الحب وسنينه
بقلم: سناء الشرقاوي
شايف عملت فيا إيه
أدي آخرة الحُب وسنينه
كان عليا من ده بإيه
قلت يلا لاجل خاطر عيونه
قسيت عليا كتير وعديتها
وقلت بينا عشرة كتير ورميتها
وصلتني أتمنى الموت مالقهوش
ولا عوضتني وأنا طول عمري شايلاك بين الرموش
خنقتني كأنك وحش كاسر ملعون
دبحتني وحبي كان عليك بيهون
عذبتني على كل شكل ولون
أهملتني ولا جيت تسأل وتقول ممنون
عديتك مشغول أو مهموم أتاريك مجنون
وأكيد دلوقتي بتسأل نفسك ليه المكتوب
اوعى تفتكر شوق جابني، اصحى وفوق
وإن كان ع الصورة، ده تبرع مني للي فقد الإحساس والذوق
يلا يا دكتور فكها عني، خلاص دمي ابتدى يروق
بقلم: سناء الشرقاوي
