عفويات

عفويات

بقلم: عادل عوف

أنا طالب من النهاردة
ما يمرش بيك قوام
يقعد مع نفسه ويهدى
على بال ما ارتاح وأنام
ينهد في يوم لراحتي
يا ساعة لو سمحتى
الأرق شوك مرمي تحتى
والقلق يكفي الأنام
طب ليه يوم الأجازة
اليوم في ساعة بيخلص
ويوم ما اقول له هذا
يقول بقلاطة إخرس
وباب الليل يواربه
ويزهق فيه واحاربه
والشرق في ذيله غربة
ومرحب بيك…. سلام
طب بس ارتاح شوية
طب بص وشوفت ديه
أنا هرتاح واما اصحي
تحاسبنى بالجرام
النوم لو للى زيي والله مش حرام