عفويات (لو عندك شئ هتسيبه)

عفويات (لو عندك شئ هتسيبه)

بقلم: عادل عوف

لو عندك شئ هتسيبه
سيبه
وفيه لسه الخير
اللي ماينفعش جنابك
ممكن ينفع للغير
من غير تجريح و مناهدة
تستهلك كامل طاقته
ويعيش في وجودك ميت

علشان اسمك في بطاقته
علشان قولت له يتصرف
واتصرف بقىٰ بطريقته

لو مات إنسان م القهرة
ممكن لحصونه في سهرة

تسقط من ود بكلمة
تنجح عملية شقطة

كسرك للروح ده مصيبة
مين يقدر يوم يغفرها
محتاج العضم صليبة
و جبيره ترمه آخرها

لكن أبو روح مكسورة
منظر و مجرد صورة
مش ممكن حسب الشورة
تتبدل روحه بغيرها

لو زاهد شئ أكرملك
تتركه والعين مليانة
علشان يفضل يفتكرك
بالخير ويقول بأمانة
أكرمني وده من طبعه
و يتابعك وانت تتابعه
ويرد بدالك غيبتك
ويرفض ذكرك بإهانة                                                           لو عايز شئ يفضلك
عامله على إنه أمانة