عفويات

عفويات

بقلم: عادل عوف

وقالوا النظرة بتوصل
في عمق عينيها للبدايات
وتوب الصدق متفصل
لـ خصر الضحكة جوز عبايات
وإن الخطوة محسوبة بمد الشوف
وكف إيديها لو سلم يـ نز حروف
وإن رموشها في الغالب
قواعد روڤ
مفيش بين السما وبينه سبع سماوات
وإن الطلة لو طلت سفر لبعيد
وترمي الكلمة تتردد كأنه نشيد
وإن الشوق على أكتافها حمام ويمام
بيسمع حس أنفاسها يوماتى يزيد
وإن لقلبها سطوة وجيش دقات
كواكب دايرة في مواكب ولو ضاق أت
سبع لفات أنا وهي على غية
وأنا ما املكش غير نية بسبع لاءأاات
عظيم العشق لو أثمر وجاب عناقيد
وإيد الود بتحرر وإيد بتإيد
شموع العشق من شوقها
بتخنقها
دموع الغش لو حنت
لصطوة قيد
فلو كان لي في هواك منصر
وشجرة توت
وطارحه من الغرام فضة وراميه ياقوت
شروط قولناها م الأول علشان نبعد
يكون عندك سبب أقوي كمان م الموت

سبع لاءاااات