حسيت وأنا قاعد بسمعها
بأجمل إحساس
مستمتع جدًا بكلامها
وأنا كلي حماس
وگأن كلامها عليه سكر
ولا كحك العيد
وأنا قلبي حديد بس مشاكلى
فى البنكرياس
ممنوع م الحلو ورحت اسأل في الحي طبيب
ام حذر جدًا وبشدة يبقالي حبيب
بسبوسة وعلى الوش كِريمة
كارثة لحالتك
بكتيره يومين ولا تلاتة وهنقول تشطيب
طب ينفع بس ابصلها واحلم بوصال
ان شالله تغير لي الجرعة
ونوع الأمصال
واكتب لي رُشتة تتوبني اعشق حلوين
ام قالي ما فيش عندي مناقشة
ولا حتى فصال
ان شوفت بنات حلوين تاني السكر هيزيد
ويمكن تحتاج فيتامين اقوى ومخلوط بحديد
ما تسيبش القلب ما دام بيفهم في الحلويات
لا تروح من نظره في غيبوبة
ويقولوا شهيد
