دكان الهوى

دكان الهوى
بقلم: إيمان جمعة

يا دكان الهوى عندك إيه النهاردة
عشان اشتريه
عندي قلب أخضر فى الهوى غلبان
مين يحتويه
عايزة قلب تانى يكون زيي مجروح
يلاقينى والاقيه
من حنانه شاف الأسى ومن طيبة
قلبه قسوا عليه
سواح فى بحر الألم وحزنه كبير
بالضحكة يدرايه
ويكون شب أسمر ملامحه كلها
تبان فى عينيه
وكف إيده خشن من قطف الورود
للحبيب يهديه
وأنا والياسمين صحبة حواليه ومن
ريحته نداويه
يمكن يفوق من وجع قلبه وينسى
اللى نسيه
أنا طبيب قلبه الأخضر وفي حضن
قلبي احتويه
واجيب من السما نجمة ويا القمر
تنور لياليه
ورجع الضحكة الصافية وصدق
إحساسي يواسيه
يمكن وأنا بداويه يطيب قلبي
بفرحتي بيه
يا دكان الهوى هات كل اللي عندك
يمكن الاقيه
هنا وسط البشر في نور الشمس
اسكن أراضيه
ما هو لازم على بعضنا نقع …
وننسى مع بعض الوجع ….
مين يبيع لي عمره وأنا اشتريه