عفويات

عفويات

بقلم: عادل عوف

ما نفعش يكون له بديل بدليل فشل لي أما حاولت
وعلشان ما اكونش ببالغ أنا ياما في بعده قابلت
لكن ولا ألف محاولة
ده جماله يا عالم دولة
لو هخسر مليون جولة بكفايا إن أنت كسبت

مانفعش يكون له بديل

من زيك هنا على الكوكب دورت أنا شرق وغرب
ولقيت اللي بيشبهلك بتقوم علشانهم حرب
بتزول بسببها جيوش
وحيتان بتاكلها قروش
وده شئ واللي ماقولتوش أسرار يعلمها الرب

مانفعش يكون له بديل

لو قولنا إن أنت في كفة إيه يبقى قصادك فِيد
دي الضحكة اللي على الشفة توزن كوكب وتزيد
وعيونك تلت مجرة
والشعر طاير على برة
والناس كلها مضطرة تلتزم الصمت أكيد

ما نفعش يكون له بديل