هتحس بإنك فجأة تعبت
مش قادر تعمل ولا حاجة
مستسلم جدًا لـبرودك
وگأنك داخل تلاجة
فتعدى حاجات منك وتفوت
من غير إحساس لك وإشارة
وبتضحك ع الفرح وع الموت
مسطول بيصلي في خمارة
أحلام تتسرسب من إيدك
وتزيد أوهامك فـ تزيدك
تتحول فجأة فى عين الخلق
لحكم ممنوع م الصفارة
أهداف بتخش قصاد عينك
لأصاحب ملاعين واقفة تسلل
والراية تطاطى كاسر عينها
ومكفي جبينها ومتذلل
الدنيا بتفرض سطوتها
علشان تلقاق دغرى في طوعها
تتمرد
………تفرذ غباوتها
وتلاقي عينيك لابسة في كوعها
فتحس بإنك ولا حاجة
أو ناقصك ميت مليون حاجة
كانت كلها شابكة في حاجة
بتحاول تمنع تركيعها
