عفويات

عفويات

بقلم: عادل عوف

خليه يلجألك متخلي عن خططه الخاصة
ويخاف م الكلمة اللي تقولها ويتوه من بصة
وارمي له الطعم اللي يشده ويتعلق بيه
واِرّدَعه بالخوف كل شوية وبيه اتوصى

دي طريقة اكيدة ومضمونة لو لك أعداء
بتقاباك بكلام متستف مليان أشواق
وبود ما فيش سلفًا زيه بتحاوطك بيه
علشان ماتفاجأك بسمومها جوا الترياق

أيام وسنين عشتها زيك من غير خبرة
في القش بدور على حظي بسن الإبرة
فصدفت كتير جُهال أندال وما فيش واحد
إلا وعلمت عليه بدري وأصبح عبرة

علشانك طيب مش شايفك تشبه غيرك
سرك متداول للعمة وكاشف بيرك
تلاقيني بشوف نفسي في نفسك لكن ده زمان
وأنا اهو قدامك م الآخر وآدي مصيرك

ركز مع نفسك من حقك تاخد فرصة
واحطاط من دنيا الناس فيها بقيم ناقصة
ممكن على مبدأ أو غالي يفتعلوا مزاد
وعلشان منفعة يخفوا حقيقة ويهدوا الرصة