في حاجات من كتر ماهي
في حياتك وبتتكرر
بتشوف أحداثها عادية
وده بعد كتير ما تفكر
وغيابها أكيد لو وارد
ولا عمره هيعمل فرق
ما الشتا مخلوق شئ بارد
بغياب وحضور البرق
مع إن وجودها مهم
وان غابت عنك ليلة
بتشيل على طول م الهم
أبو كرش و…… تقيلة
والمود كله بيتغير
من غير حتى ما تتخير
ألوان الكون بتجير
ويعدي اليوم بالتيلة
تقيم الشئ بيبان لك
أول ما يغيب ويزول
بعدها بتحس بنفسك
وضعك دائمًا في نزول
مسؤول عن كل ما هو
كان عادي وكان بيحصل لك
علشان كان دائمًا هو
بيعمله على طول ويوصلك
من غير مجهود وتنوله
دائمًا صح على أصوله
اتفضل بقي عيش صولو
يا ناكر للخير ما أضلك
