بتحايل على نفسي وبكدب
لما بكون في دموعي غريقة
وبدور على روحي وبضحك
وبقول بكرة تروح الضيقة
وبفتش في حكاوي قديمة
وعلى أنيني بزرع ورد
وبروح أحبك بيني وبيني
وفي حنية قلبك عيشت
ولما في يوم يغلبني حنيني
بجري يا جدي على الشباك
واستناك كدة تيجي تاخدني
وتوديني اركب مرجيحة
أو تشاور لي أنزل لك جري
تنسيني تعبي وهمومي
أنا في حواديتك يا ما سهرت
وعلى بابك جريت ولعبت
يوم ما مشيت ما بكيتش عيوني
علشان روحي رفضت بُعدك
ولما سماك هنا فِضيت جنبي
حفرت بقلبي حدوتة اسمك
عارف ليه زعلانة أنا منك؟
علشان مشيت من غير ما تقول لي
وإيه مخليني بصالح زعلي؟
حكاية في يوم سمعتها منك!
