عفويات
بقلم: عادل عوف
لو إني أقرر مثلًا
اتجنن واصبح عاقل
من صلب مع اللي بحبه
لـ مرن جدًا أو سائل
وابدأ أسمع لفؤادي
من وحي إن أنا مشتاق
واتحول فجأة لعادي
قربها موصوف ترياق
وتكون جنبي و توحشني
واتمني رضاها وادوب
وأمراض لو عنى هتبعد
واوصفها شراب وحبوب
مين بقى يضمن لي إنها
مش بعد ده كله تسيب
وإن جات لها فرصة بديلة
ما اتشفش بعينها غريب
وتقول مش قادرة أكمل
مضغوط قلبي ومضغوطة
واخرج من جوا حياتها
بمجرد كلمة وشوطة
وفي ثانية تكمل هيا
مع غيري بكل برود
وألقاها بقت مش ليَّ
واضطر أحمد وأعود
لجماد من جوا وصلب
بستحمل كل الضرب
من بعد ما أخسر حرب
أفضل عادي وموجود
