حب وعتاب بقلم: محمد السيد يقطين

حب وعتاب

بقلم: محمد السيد السعيد يقطين

كل اللي حبوا قبلنا
تاهوا من الألم وتابوا
من الأحزان
يجي الزمان يفكرنا
بظلمنا والقسوة والحرمان
والابتسامة ضاعت مننا
وبقينا وحدنا
نسينا عهدنا
مين اتظلم فينا
ومين اللي خان
وضاعت منا الأماني
وضاع الحنان
افتكرنا اننا نقدر نهرب من قدرنا
ومن دموعنا
لحب تاني يداوي جروحنا
وينسينا اللي كان
حبيبنا
واتمنيته يرجع لقلبي
في ثانية واحدة لقيته جاني
وبنظرة منه قلبه ناداني
نساني نفسي رجع لي زماني
سلمت أمري وروحي إليه
بكيت
وجريت على باب قلبه
وحبه
وشكيت له همي
وعذابي وآلامي
من بعده وهجره
وشوقي إليه
وأنا طول عمري أحبه
وأعشقه وأخاف عليه
واسأل روحي ونفسي
إزاي وليه
حبي وحبه
هانوا عليه
لقيت عيوني وقلبي ناموا
بين إيديه
والفجر طل علينا
أحسن حبيبين