في تصعيد جديد للأزمة المشتعلة بينه وبين إدارة النادي الأهلي، رد الكابتن مصطفى يونس على الشكوى الرسمية التي تقدم بها النادي ضده، بتحدٍ واضح ورغبة في المثول أمام النيابة.
وكان النادي الأهلي قد تقدم بشكوى رسمية إلى المجلس الأعلى لتنظيم الإعلام ضد مصطفى يونس، متهمًا إياه بـ”تجاوزات متكررة وإساءات علنية” بحق رئيس النادي محمود الخطيب وأعضاء مجلس الإدارة، مرفقًا بالشكوى تسجيلات وروابط لفيديوهات من قناة يونس.
وفي فيديو عبر قناته الرسمية على “يوتيوب”، قال يونس: “أنا مش بخاف غير من اللي خالقني، وأتمنى يتقدم بلاغ ضدي وأروح النيابة. اللي بيحصل ده ولا في التاريخ، أنا أكتر واحد بيحب الأهلي، ويشرفني أتحاكم عشان الأهلي”.
وأضاف في رسالة مباشرة: “هقول للنائب العام واحد اثنين تلاتة، خاصة بعد ما النسب زادت، كانت 30% وبقت أكتر”.
واختتم تصريحاته المثيرة للجدل قائلًا: “لو ولادي قالوا أبوكم اتحبس عشان الأهلي، ده شرف ليهم وليا، أحسن ما يقولوا أبوكم كان حرامي”.
