كنت يوم
بقلم: هدى إسماعيل
كنت ماشيه سابقة عصري
فاكرة إن بكرة نصري
إن فرح الدنيا فرحي
وعمري ما هكون يوم وحيدة
كنت فاكرة إني زرعت
كنت فاكرة إني بنيت
ليا في كل قلب بيت
من أصالة ومن جمال
وإن زرعي م المحال
الجفاف هيمر بيه
***********
كنت ماشية فاتحة قلبي
لكل من يحتاج لودي
ياخده قلبي بالحنان
كأنه عارفه من زمان
عمر ما فكر يخوون
ولا لأي حد يظلم
أو يجافي ولَّا يحرم
لأنه كان دائما رحيم
وما يعرف يكون لئيم
ولّا ناكر الجميل
عنده كل الدنيا خير
**********
لا تلوم قلبي الوفي
إن شاف الكون أمان
وفتح كل البيبان
للحبيب وللغريب
أصل قلبي ناوي خيير
مهما تبقى الدنيا غير
عمره ما يرد الجميل
قسوة أو نكران لخير
مهما شاف جرح ودموع
برضه هايقيد الشموع
ولما بكرة يجي تاني
يلقى قلبي قلب وافي
هو غاوي يمشي حافي
مهما مرت قسوة بيه
***********
آه دفعت من حياتي
ومن شبابي ومن جراحي
من عذابي ومن دموعي
لكني رافضة إني أكون
غير إنسان في زمان غريب
************
كنت
كنت فعلا لو تقول
زي درب من الأمان
زي بحر من الحنان
شطه آمن الوصول
يعطي كل الناس أمان
حتي موجه موج هادي
صافي راسي
*************
بس مرة واحدة نوْة
عصفت، زلزلت مني الكيان
أظلمت كل الشموس
أطفئت حتى النجوم
والقمر تاه م المآسي
والبحور الصافية رانت
والإيدين الدافية بردت
والعيون اللامعة دبلت
بس برضه قلبي صمم إني أقاوم
إني أرجع بالأمل أفتح طريق أنشر أمان
وأرجع من أسى الماضي اللي كان
لكن أفضل من زمان
****************
كنت يوم.
تمت المراجعة والتنسيق من قبل فريق ريمونارف.
