حاجات متلخبطة
بقلم: إيمان عمار
وحاجات متلخبطه
بضحك ومعيطه
طفلة متسنده
واثقة ومتردده
جوايا
كل ده!
والعُمر ليه بيجري كده؟!
بشويش علينا يا عم
ليه بتشيِّلنا الهم
حساباتك!
مُجهِده
أرقام ومُحدده
حساباتي!
مش كده
عندك
متقيده
أوراق متسدده
وسنين متهدده
عندي بقى
ع المدى
فيه حياة متجدده
والروح فيها حاجه حلوه
والدنيا مش عِدا
لو مش هنعيشها قوه
وبرضه مش رضا
كداب من قال كده
وقت بتقلب لغنوه
أحوالها معقده
ما بحبش بين وبين
ولا رغي وفرهده
لكن أكيد بلين
لاحتمالات وارده
أما عن القلوب
دي بتاعة ربنا
ما بين شروق وغروب
خايفة ومتطمنه
ساعات
بـ تبكي زينا
ساعات
بـ تزعل مننا
وساعات
بـ تقسى إكمننا
أوقات بنعشق جرحنا!
تصرخ!
ولا نلبِّي النِدا
بس أما تفرح
تِسعد معاها الكون بحاله
كأننا
لا شُفنا حزن عمرنا
ولا دمعة زارت خدنا
ياسمين وعدَّى الفجر وضَّاه الندى
عن نفسي حبَّاني كده
قابلة الأمور على ده وده
إللي مضايقني
منه بـ سيبني
ما يخدش مني
غير ثواني وأفوِّتُه
بحسب لعمري أوقات فرحته
على شرط أكون منها أوي
متأكده
