طريق المستحيل

طريق المستحيل

بقلم: أمل أمين

أنت … وأنا

أرواحنا متقابلة هنا

بين أرضنا وبين السما

في مكان بعيد

طريقه صعب

لكن هوانا أسِي وعنيد

شق الظلام

ورغم الآلام

رسمنا فيه شمس وقمر

ونهار جديد دايمًا سعيد

نلقى في سماه

كل إللي ضاع من عمرنا

ونعيش هناك مع حلمنا

وأنت …وأنا

على أرضنا

يبعدنا أميال م الأنين

وكل تنهيدة بتصرخ

من اشتياق ومن حنين

وكل دمعة من قلوبنا

أحسبها على مر السنين

وكل فجر

نوره كان باهت عليل

ونجوم بتبكي

سهرانه مع ليلها الطويل

وكل شكوى أو عتاب

ما كان له رد

ولا اهتمام

كان له في يوم أبدًا دليل

هتلاقي بينا

طريق طويل

مكتوب عليه

بينا طريق المستحيل