أدبي

جبر خاطر

وقت النشر : 2022/08/13 09:43:01 PM

جبر خاطر

بقلم: وحيد علي الجمال
جبر خاطر

حط قلبك جوة ساتر

وانسى أن الدنيا ظالمة

وافرد الفرح ف جبينك

مهما شُفت وعشت قسوة

إوعى تاخدك فيها نسوة

تبقى حامد فيها شاكر

إوعى طعم الحب فيها

يبقى له سعر وتذاكر

إوعي تستنى المقابل

لو طرح قلبك سنابل

اغفر الزلات لغيرك

وانت منك فيك وصابر

خلي وشك بين وشوشهم

حامل الرحمة ببشاشة

إوعى تعمل حاجة

وانت لقطة هتجيبك

في شاشة

خلي جبرك للخواطر

رحمة واسعة

للي جالك ليك لوحدك

كان لشخصك هو قاصد

إوعى تكسر يوم لخاطر

حد شافك وقت شدة

مد إيدك ليه وعافر

حتى لو عايش في شدة

قد منه وبرضه خايف

بكرة ربك وقت عجزك

بين ذنوبك

وانت مش قادر

وخايف

هيفاجئنا بستره لينا

أصله جابر للخواطر

حتى لو جمعنا فينا

من ذنوبنا جبال تهامة

راح يخفف ويعافينا

من ألمنا هيداوينا

قولي إمتى وكان وفين

أصل ربك رب عادل

بس قبل العدل رحمة

مهما كسرك كان عظيم

هو جابر للخواطر

هو أكرم هو أعظم

خلي ذاته فيك يقين

هو هيسامح ويجبر

زي جبرك للي قصدك

واللي شافك له معين

إوعى مرة ترد بابك

حتى لو كانت إيديك

من ظروفك مغلولين

اجبر الخاطر ببسمة

هي كافية هى وافية

هي جبر المكسورين

جبر خاطر

شاهد أيضاً
إغلاق
زر الذهاب إلى الأعلى