إنتَ حالة

إنتَ حالة

بقلم: أمل أمين

إنتَ حاَلَة
واللي بين قلبي وقلبك
ما يتحكيش ولا يتوصف
بأي حاَلة
كل اللي هقدر اقوله عنا
ان اللي بينّا حاجة حلوة
معناها استحالة
اِستحالة اني أشاركك
واستحالة اني افارقك
واستحالة ماكونش ليك
كمان لا يمكن اكون بتاعتك
واستحالة انسى طريقك
أو اخطّي خطوة
تجيبني عندك
استحالة عيني تغفى
قبل ما عيوني تقابلك
واستحالة استحالة
أبقى … جنبك
وأهم ما في الأمر كله
استحالة ف يوم هابيعك
أو أخونك
ومُحال يخاف غيري عليك
وكمان يصونك
استحالة تضيع وتخفى
عن عيوني
يا نور عيوني
شايلاك في قلبي
يا دمعة ساكنة
بين جفوني
استحالة يا حب عمري
تخيب في لحظة
فيك ظنوني
استحالة
وانتِ حاَلة