نهاية الخط

نهَاية الخط

بقلم وحيد علي الجمال

الخَط مش مقطوع

بيني وبينك وصل

وأنا قلبي كله قطوع

شاربة مرار الكسر

صار الوجع منقوع

عاصر عيوني عصر

حلمك مهوش ممنوع

فيه الرجوع مشروع

مهما تكون موجوع

جرح الزمن بيطيب

لو حتى كان في الأسر

اوعاك تشيل السور

خليك كدا مستور

لو شافوا دمعك حر

يا توأمي في الروح

أنا دمي فيك مسفوح

مكتوب عليك الوعد

نص القميص مقطوع

تفسيره خان العهد

صليت معاه مغصوب

كام ركعة قبل العصر

القطر كان مرعوب

يوصل نهاية الخط

كان ع الرصيف في الدور

ييجي ألف حاجة ف بعض

سلمته تذكرتين

من غير مايدفع فرق

له صورة بالطباشير

مرسومة على الأسفلت

تقاطيعه بالتجاعيد

خطفاك بتنطق ود

تبكي كأنه حبيب

وقلبه دا لوح تلج