الورد للناس الفافي
بقلم: وحيد علي الجمال
حبيت كتير أنا واتحبيت
سحرني رمشه في لحظة بكيت
ومن جماله أنا اتخضيت
كأنه حلم وفيه عديت
ورحت عنده ياريتني ما جيت
مشغول شاغلني وعنه داريت
وجريت لحضن الليل وشكيت
كلمت نفسي كأني عبيط
سيجارة فرط وعود كبريت
ورساله مليانه بشخابيط
وكتبت شعر سبع قراريط
أنا قلب عاشق كده ولهان
من كتر شوقي حصل له جنان
بصلب في طولي مع التوهان
إن شاف عينيه بتقوله كلام
وكلام عيونه كما الأحلام
دَوِّب مشاعري كأنه منام
والشوق أخدني وبكاني
من كتر قسوة قلبي عليه
أنا كنت خايف ينساني
كل أما أقرب روحي إليه
يهرب بشوقي وأشواقي
حيرت عقلي وأفكاري
ونسيت معاك أنا أحزاني
وياما عشت معاك حواديت
عديت جروحي كلها فيك
الليل يهل أجيب لي شريط
كوكتيل أغاني قديم وجديد
أنسى في ثانية اللي ملوعني
وألاقي حب جديد يشبكني
يبدأ بهمس الشوق يشغلني
أحلف بإني ما شوفت حبيب
في حنانه عمره ما دلعني
شوفتوا بقى زمن التنطيط
غيرت أنا وفي قلبي حبيب
كتر الجفا بقى شكلي مريض
لا عاد لي ينفع دوا وطبيب
بكره الجروح من قلبي تطيب
وهتوصفه في الصبر عجيب
أنا شعري شاب والقلب شباب
لا عمري جبت لحد ورود
ولا حد جابلي ورقه توت
كان كله ضرب و بالنبوت
ونهايتي دمعه وكام مكتوب
هما اللي فاضلين في تاريخي
إحنا جرحنا واتجرحنا
جبنا هدايا كتير تشبهنا
شوكولاته نايتي وحلويات
بسكوت وشبسي وغزل بنات
طمني ياللي شاغلني معاك
أخبار ورود الحب معاك
من قلب جنة بساتينك
فرقت كتير وفرحت معاه
ولا زمان وليالي زمان
هي اللي ساكنة في مناديلك
خدها نصيحة في أشعاري
الورد للناس الفافي
أما اللي يصبح ويمسي
وآخره يرمي لنا عوافي
ده آخره لب ومصاصة
وكيسين فواكه وجوافة
اوعى في مرة تقول لي كتير
لا أحسن أشيلها في قلبي جميل
وأعيش عليها سنين وسنين
لاوي رقبتي بمصروفي
ما أنا أصلي صارف ومكلف
وجنب ترعتنا بصيِّف
أصل سعادتي سعادة البيه
الجرح مهما يكون قاسي
