تحيا مصر بقلم: محمد عبد العزيز رمضان تحيا مصر وقولوا تحيا تحيَا مصر كمان تعيش واللي بيحبك يا بلدي حبه شوق ما بينتهيش حبِّه نار تحرق عدوّك حبه شمعة ما تنطفيش تَحيَا مِصر في كل حارة كل بيت وما تزعليش مِصر مش كلمة وعبارة مصر قوة، سلاح، وجيش تَحيا مِصر وقولوا تحيا م البحيرة لبورسعيد واللي كارهك راح نقولّه مش هترجع من جديد فوق وصحصح انسى حلمك أصل حلمك دا بعيد مهما حاولوا يكسروكي هيلاقوكي من حديد تحيَا مِصر وقولوا تحيا رغم كيد الحاقدين مهما حاولوا يفرقونا هيلاقونا رباط متين عمركم ما هتغلبونا احنا دايما منصورين نحفر الصخر بإيدينا سد عالي من سنين موت بغيظك يا اللي كارِه جوّا خوفك عيش سجين أصل مصر مش تكية أو وسية يا لعين مصر محروسة بأسودها عينها صاحية كل حين روحنا شايلينها وعهودنا إننا مش راح نلين مهما نبعد يا بلادي بردو يغلبنا الحنين
