“أمي إرجعيلي”
بقلم :آمال الوغي
هوة دا يومك يا غالية
وانت روحتي في حتة تانية
نفسي يرجع عمري بيكي
نفسي اشوفك بس ثانية
ثانية اطمّن قلبي عنك
ثانية اقول اني بحبك
واني آسف باعتذر لك
دلوقتي بس عرفت قيمتك
ياما غبت عنك ليالي
واقول أكيد مستنيانى
كنت شايف بس حالي
يعني هتغيب عني فين
ورجعت من غربة سنيني
دمعة مرة بتكوي عيني
فينه القلب اللي حاميني
سابني فجأة ماقالش ليه
إرجعيلي هاكون مرايتك
مهما قولتي هاسمع حكايتك
مش هاقول خلاص سيبيني
بس ثانية ترجعيلي
حياتي من بعدك غريبة
غبتي ما قولتيش الطريقة
أمي مش في واحدة تانية
نفسي اشوفك بس ثانية
