أدبي

أنا المجنون

وقت النشر : 2022/11/25 11:25:59 PM

أنا المجنون

بقلم: شحته سمير

أنا اتعلقت بهواكِ
وعُمري ما أخون
ودُبت دوب
ومن شكل الكلام
أنا بيكِ بقيت مجذوب
ومن حُسن المقام ليكِ
أصبحت أسير وبتمنى
رضاكِ يَدُوب
أشوف طيفك في بستاني
كلامك لسه في وداني وقدامي
ومهما أبعد بلاد وبلاد
ألاقي الذاد يكون صُوتِك
ألاقي هوايا بيصونِك
بيتأمل في تكوينك
وبتقولي..
أنا دمي في شرايينك
أنا ريحتي في أنفاسك
وكأس غرامي ده كأسك
خيالِك جاني
في مَنامي وأحلامِ
وليكِ طَلَّه
بتتسلل لوجداني
ورمش عينيكِ صايبني
جرح قلبي وشرياني
وخَلاَّني تايه في الكون
وبتمنى أشوف في عينيك
لو مرة من الشطآن شط حنون
دا أنا المجنون وأنتِ بذور آمالي
وأنتِ النور، وأنتِ الغد
ولِيَّ الشوك وليكِ الورد
حياتي كتاب قدَّامِك
سردتيه سرد
وِدَّونتِ بأقلامك سلام العرض
ولونتِ بألوانك خضار الأرض
وغنيتي في موّالك
عن اللي عاش
بيحمي الزهر في البستان
علشان يطرح تقى وإيمان
عن العطفة، عن الحارة
عن الدنيا اللي غدَّارة
بتنهش ناسها بإيديها
وتطحنهم بلا رحمة
ما بين حجرين
كحبة قمح معجونة
يبعترها غراب البين
عن اللي عاش
شايل روحه على كتفه
سلاحه إيمان بيحمينا
واحنا في الشتاء والصيف
حياتنا في حُضن أهالينا
دفء للعمر يكفينا

أنا المجنونبقلم: شحته سمير
أنا المجنون
بقلم: شحته سمير

شاهد أيضاً
إغلاق
زر الذهاب إلى الأعلى