ربك عَدْلٌ حكيم 

 ربك عَدْلٌ حكيم

كلمات: حاتم الغيطاني.

لما تلاقي فيه شخص عارفه وهو عارفك

كان أخوك أو زميلك

أو جِوارك وأنتَ جاره

و فضل ربك…زاد عليه

جاله مال أو وظيفة…

أو عمارة أو إمارة…

 أو ربك بارك عياله

ثم تلاقي قبضة.. في قلبك

وأنت مش طايق حزين

أنت كده من غير مجاملة

و بدون مجادلة

أنت حاقد أوحسود

أنت مش سالك في نفسك

هو أنت اللي رزاق؟! 

ولا هتشارك في الملك ربك اللي خالق؟!

شيء مالكش دخل فيه

أنت نسيت إن الله عالم حكيم؟!

وإنه له عدل يناسب كل واحد …

باللي عنده… وباللي فيه؟!

يوم يوسع…يوم يضيق… يوم يزيد

لو عرفت كل ماله.. باللي عنده وباللي فيه

هتلاقي شيلتك وشيلته… زي بعض

قم كفاية سيب إديك…

كفاية عض

قم وطهر جو نفسك

جو قلبك إسود نتين

قم وصلي ركعتبن

وامسح سوء ظنك في ربك

سوء ظنك في الله كبير

ربك عدل… في كل حكمه

ربك عالم…والمُلك ملكه

ربك علَّام حَكيم