في داخل كل واحد
واحد مش عاجبه حاجة
مهروش في رأيه لكن
قلبه في غاية السذاجة
ممكن يقلبها ضلمة
في لحظة بدون شروط
ولأنه بجد طيب
فـ بيضحكنا موت
ولما يكون مِرٓكِز
في اللي بيحصل يناكفك
ولما تكون في أزمة
بيعرف إزاي يـكاتـفك
وعشان من جوا كاشفك
قلبه دايمًا عليك
وعليك تملي يقلق
ويخاف لتخاف لخوفه
عايش جواك بمبدأ
ومستحيل تشوفه
مقدر كل وضعك
ونادر لو يـطاوعك
وبيحجم مطامعك
وبيكيف ظروفه
صاحي وتملي حاضر
الأول
والأخير
وتملي بحكمة رأيه
علشان حجمه الكبير
لو تعبك يوم يا ويلك
في نهارك أو في ليلك
دايمًا خليه كبيرك
علشان اسمه الضمير
