في العلن الصاخب بالدوشة
بقلم: محمود محمد
في العلن الصاخب بالدوشة
وصريخ الجمع الغير مفهوم
أصواتهم مهما تكون هشة
صرختى راح تملا فراغ مهزوم
هاتهد جبال…
وتشد حبال…
وتعلم طفل رضيع نونو
معنى التِّرحال…
في العلن الصاخب.. بالدوشة
وفـ عز الزحمة الكدابة
و فـ لمة وإيدك متسابة
مكشوف الضهر لسكاكينهم
مَ الضَّبع خلاص حكم الغابة
في العلن الصاخب … بالدوشة
تتغير ياما حاجات وحاجات
والضحكة ف وشك تتمثل
ف تدبدب جوا دماغ روحك
ألف وألفين م الاحتمالات
والحسبة قصادك تتلعبك
واللعبة هاتفضل تتسبّك
وبرغم مساخة دوقانها
هتقول الله.. سلّم إيدك
مع إن سمومهم في وريدك
والكدب أهو دابح تنهيدك
وحبال الصوت دابت وخلاص
الآهه اتدفنت على إيدك..
ولا راح تطلع
في العلن الصاخب بالدوشة
في العلن الصاخب بالدوشة
وصريخ الجمع الغير مفهوم
أصواتهم مهما تكون هشة
صرختى راح تملا فراغ مهزوم
هاتهد جبال…
وتشد حبال…
وتعلم طفل رضيع نونو
معنى الترحال…
في العلن الصاخب.. بالدوشة
وفـ عز الزحمة الكدابة
و فـ لمة و إيدك متسابة
مكشوف الضهر لسكاكينهم
مَ الضبع خلاص حكم الغابة
في العلن الصاخب … بالدوشة
تتغير ياما حاجات و حاجات
والضحكة ف وشك تتمثل
ف تدبدب جوا دماغ روحك
ألف وألفين م الاحتمالات
والحسبة قصادك تتلعبك
واللعبة هاتفضل تتسبّك
وبرغم مساخة دوقانها
هتقول الله.. سلّم إيدك
مع إن سمومهم في وريدك
والكدب أهو دابح تنهيدك
وحبال الصوت دابت وخلاص
الآهه اتدفنت على إيدك..
ولا راح تطلع
في العلن الصاخب بالدوشة
