عفويات _كن كعازف للكمان على تايتانيك _ بقلم عادل عوف

عفويات

كن كعازف للكمان على تايتانيك

بقلم: عادل عوف

وسط المحن
طلع لسانك للهلع
ما تسيبش روحك تتخدع
ما تسيبش قلبك يتخلع
ويجبرك شيء على البكا
اللى اشتكى
ضيع ساعات الهشتكا وسنين كتير فى الاكتئاب
وإيه فايدته
ولكل واحد سكته
ونصيبه من باب قسمته
حسب الكتاب
ما تبعش روحك للظنون
خليك كما شجر الزيتون
خليك كما نصوص القانون
لها فى النفوس مليون حساب
واللي يفكر في الغياب
ساعده ووفرله السبب
صوم عنه حالًا وابعده
ما الصوم يجوز برده فى رجب
ما تخافش أبدًا م الغرق
ما العمر مخلوق يتسرق
وإن قومت تحسب أد إيه م العمر فات
ممكن تخاف أو تترعب