الأمل_بقلم_حسين حشيش

الأمل

بقلم: حسين حشيش

ما عدى خلاص وفات وراح حقك ويا السكات
وتندم ليه ع اللي فات حتى الندم ع اللي فات
نُقصان عقل ونُقصان ثَبات
وشوف دايمًا مقامك هتلاقيه يطول السحاب
إوعى تنسى وخلي بالك ،،، اللي جاي جاي بالأمل
قَلبك ده طيب، من قُريب كان يقول الصبر طيب
راح فين كلامك والا كلام وأنت طيب
ولما جه الضرب من قُريب قولت ياناس إلحقوني
قالولك دى الصبر طيب وحباله طويلة
شد فيها وامسك لو سابت إيديك راح تُقع
واستنى هيجيلك قُريب ومعاه خير بالمدد
خلي الأمل قُدام عنيك عنوان
حتى لو ضليت طريق
مسيرك يوم توصل وتحصد سنابل دَهب
الخير كتير من رب العباد اطلب بقلب جامد
ده هو الكريم 
هتوصل في يوم وتلقى اللي راح كان قُليل
واللي كان متأخر عليك جالك في وقته
بس إنت مستعجل عليه
يا راجل بتفكر في إيه اسعى وخلاص ترتيبه هو
أحسن كتير من هبدك أنتَ قول يارب هو الأمل